Mae David Lloyd, sy’n wreiddiol o Aberdaugleddau, yn bwriadu beicio o Fryste yn ôl i’w dref enedigol i godi arian ar gyfer Ysbyty Llwynhelyg er cof am ei fam.

Bydd David, 56 yn cael cwmni ei ffrind Gavin McArthur a chariad ei ferch Jake Cox ar ei daith 156 milltir.

Maent yn bwriadu beicio dros dri diwrnod, 6ed, 7fed ac 8fed Awst.

Mae David yn cychwyn ar ei daith o Fryste lle ganwyd ei fam, Anne. Mae’n gorffen ei filltiroedd yn Aberdaugleddau oherwydd dyna lle bu Anne’n byw y rhan fwyaf o’i hoes nes iddi farw yn anffodus y llynedd.

“Cafodd Mam ofal mor wych gan y staff a’r meddygon yn Llwynhelyg, yn enwedig yn ei hwythnosau olaf, ac roedd hynny’n golygu cymaint i’r teulu i gyd,” meddai.

“Cafodd ei thrin â chariad. Ni allent fod wedi ei thrin yn well na pe bai’n fam iddynt eu hunain.

“Rydyn ni eisiau dweud diolch a gwneud rhywbeth yn enw fy mam i ddiolch am ofalu amdani cystal. Yn rhyfedd iawn, roedd y daith feicio yn ymddangos yn ffordd dda o wneud hynny. Rhowch gymaint ag y gallwch ar gyfer ein harwyr y GIG. ”

Bydd y daith yn mynd o Fryste i Aberhonddu ar ddiwrnod un, ymlaen i Sanclêr ar ddiwrnod dau ac yn olaf i Aberdaugleddau ar ddiwrnod tri, trwy Ysbyty Llwynhelyg. Mae’r triawd wedi gosod targed iddyn nhw eu hunain o godi £1,000.

Ychwanegodd David: “Rydyn ni i gyd yn feicwyr brwd a Jake death fyny gyda’r syniad.

“Hon fydd ein taith hiraf i ni ei gwneud erioed. Rwyf wedi cwblhau 100 milltir mewn diwrnod o’r blaen ond erioed wedi cwblhau her aml-ddiwrnod.

Bydd yn brofiad diddorol a bydd yn ein gwthio ni i gyd. ”

Dywedodd Pennaeth Elusennau Iechyd Hywel Dda, Nicola Llewelyn, yr hoffai’r elusen ddiolch i’r triawd am eu cefnogaeth.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn. ” Os hoffech chi gefnogi David gallwch chi wneud hynny yma: http://www.justgiving.com/David-Lloyd55