Martin Edwards Fundraiser

Gosododd tad o Sir Benfro a’i fab naw oed her feicio saith diwrnod i’w hunain i godi arian ar gyfer Ysbyty Glangwili.

Roedd Martin Edwards a Celt yn beicio 100 milltir y dydd rhwng 18 a 24 Gorffennaf a hyd yn hyn maent wedi codi £2,865 gwych, a fydd yn cael ei rannu rhwng ward Picton Ysbyty Glangwili, yr Uned Gofal Arbennig Babanod a Gofal Newyddenedigol.

Dywedodd Martin, sy’n athro addysg gorfforol yn Ysgol Aberdaugleddau: “Roeddem ni fel teulu wedi ein difetha pan gafodd fy ngwraig Caryl camesgoriad ym mis Mawrth.

“Hoffem ddiolch i deulu a ffrindiau am eu cefnogaeth a dweud diolch am y gofal a dderbyniwyd yn Ysbyty Glangwili, a dyna pam y gwnaethom benderfynu ymgymryd â’r her hon.

“Rydw i mor falch o Celt sydd wedi cwblhau her anodd iawn i blentyn naw oed. Mae e wir yn anhygoel, ond mae hon hefyd yn un o’r heriau anoddaf i mi ei gwneud erioed hefyd!”

Mae’r pâr hefyd yn codi arian ar gyfer y Gwasanaethau Iechyd Meddwl Plant a’r Glasoed yn Glangwili i gefnogi eu nith a’u cefnder.

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, ei fod yn gyflawniad gwych gan Martin a Celt.

“Mae cefnogaeth ein cymunedau lleol yn ein galluogi i ddarparu gwasanaethau yn ychwanegol at yr hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn,” meddai Nicola.

I gyfrannu at her Martin a Celt, ewch i: https://www.justgiving.com/crowdfunding/martinceltfundraiser2021?utm_term=bMX3bXKRB

Am fwy o fanylion am Elusennau Iechyd Hywel Dda a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk