Elusennau Iechyd Hywel Dda ar godi arian gan Emma Evans

Mae gweithiwr y cyngor a mam i ddau o blant, Emma Evans, yn codi arian ar gyfer Apêl Cemo Bronglais er cof am ei gŵr Gareth ac fel diolch i staff yr ysbyty sydd, meddai, yn “rhyfeddol” ac yn “gwneud gwaith mor wych”.

Bu farw’r adeiladwr Gareth Evans ym mis Mawrth 2020, yn ddim ond 45 oed, ar ôl cael diagnosis o ganser yr ysgyfaint Cam 4 a oedd wedi lledu i’w iau.

Cafodd Gareth, oedd hefyd yn ddyfarnwr pêl-droed ac yn chwarae i Crannog FC, driniaeth yn yr uned ddydd cemotherapi yn Ysbyty Bronglais am ddwy flynedd, gan dderbyn cemotherapi ac imiwnotherapi.

“Mae cael uned cemotherapi yn agos i’ch cartref mor bwysig a dyna pam rydw i’n cefnogi’r apêl am uned ddydd cemotherapi newydd pwrpasol yn Aberystwyth,” meddai Emma, 41, o Bontgarreg, sydd â merch Ella, 19, a mab Luke, 15. “Roedd yn golygu y gallwn gefnogi Gareth, wrth dal i weithio a bod gyda’n dau blentyn.

“Roeddwn i eisiau codi arian i ddiolch i staff Ysbyty Bronglais. Dros y ddwy flynedd y treuliodd Gareth a fi lan yn yr uned cemotherapi, roedd y staff yn anhygoel. Cawsom y fath groeso. Mae’n lle mor agos at ein calonnau.”

Mae Emma eisoes wedi codi mwy na £3,000 ar gyfer yr uned cemotherapi a gallwch barhau i gyfrannu https://hyweldda.enthuse.com/pf/emma-evans-garethevans-57cb5

Ychwanegodd: “Er mai’r gofal oedd y gorau, roedd yr uned cemotherapi yn fach ac roedd problemau preifatrwydd. Felly, byddai uned ddydd newydd yn newyddion gwych i gleifion ac i staff. Rwy’n gobeithio y bydd fy nghodi arian yn helpu i godi ymwybyddiaeth a dangos pa mor ddiolchgar ydym fel teulu i’r holl staff.”

Lansiwyd Apêl Cemo Bronglais gan Elusennau Iechyd Hywel Dda ddiwedd mis Tachwedd y llynedd, gyda’r nod o godi’r £500,000 terfynol sydd ei angen ar gyfer adeiladu i ddechrau ar gyfer uned ddydd cemotherapi sy’n addas ar gyfer y dyfodol ar gyfer cleifion canser yn Ysbyty Bronglais o Geredigion, Gwynedd a Phowys.

Bydd un o bob dau o bobl ledled Cymru yn cael diagnosis o ganser ar ryw adeg yn ystod eu hoes; mae’n gyflwr sydd yn anffodus yn effeithio ar bron bob teulu. Mae dros 60 o bobl yr wythnos yn derbyn triniaeth gwrth-ganser hanfodol yn Ysbyty Bronglais, cyfanswm o tua 300 o bobl y flwyddyn o ganolbarth, gorllewin a gogledd Cymru.

Bydd datblygu uned newydd yn costio tua £2.2m, gyda chyfanswm o bron i £1.7m eisoes wedi’i gadarnhau ar gyfer y cynllun, yn bennaf diolch i haelioni ein cymunedau lleol.

Os hoffech gymryd rhan yn yr apêl, gallwch ddod o hyd i ragor o wybodaeth, sefydlu tudalen codi arian ar-lein neu gyfrannu yma www.elusennauiechydhyweldda.org.uk

Gallwch hefyd gyfrannu’n uniongyrchol i’r apêl yma https://hyweldda.enthuse.com/cf/bronglais-chemo-appeal