Plaid Cymru yn ymateb i daliad tuag at gostau byw yng Nghymru

Dywedodd Sioned Williams AS, llefarydd Plaid Cymru dros Gyfiawnder Cymdeithasol a Chydraddoldeb:

“Mae’r newyddion am y cyllid ychwanegol i gefnogi pobl gyda chostau byw i’w groesawu. Mae’n arbennig o dda gweld y bydd mwy o arian yn cael ei ddarparu ar gyfer mwy o bobl mewn angen drwy’r Gronfa Cymorth Dewisol a thrwy’r Cynllun Cymorth Tanwydd Gaeaf. Mae Plaid Cymru wedi bod yn galw am hyn.

“Fodd bynnag, nid trwy ddull cyffredinol o roi £150 i bob aelwyd ym Mandiau Treth y Cyngor A-D yw’r ffordd orau o sicrhau bod y rhai sydd â’r angen mwyaf, y rhai a fydd yn wynebu’r dewis rhwng gwresogi a bwyta, yn cael y cymorth mwyaf.”