Gardd Deildy yn Hwb i Ganolfan Iechyd Meddwl

Mae Elusennau Iechyd Hywel Dda wedi prynu deildy wedi’i phaentio ar gyfer yr ardd yng nghanolfan iechyd meddwl gymunedol Gorwelion yn Aberystwyth, diolch i roddion coffa.

Mae Gorwelion yn darparu cymorth i oedolion sy’n byw yn y gymuned ag anghenion iechyd meddwl.

Yn dilyn marwolaeth drist defnyddiwr gwasanaeth Gorwelion, rhoddwyd rhoddion gan deulu a ffrindiau er mwyn prynu deildy er cof amdani.

Dywedodd Liz Baggott, Therapydd Galwedigaethol Arweiniol Clinigol yn y ganolfan: “Mae ein grŵp garddio wedi bod yn trawsnewid ein hardal awyr agored gyda chefnogaeth Mind

Aberystwyth ac mae rhodd y teulu wedi ein galluogi i gael deildy i wneud y lle yn fwy croesawgar a chyfforddus.

“Mae’r ardd yn lle diogel i bobl ymlacio a mwynhau’r awyr agored.”

Yn y llun (chwith) mae Liz yn eistedd yn y deildy gyda derbynnydd y ganolfan, Anne Hopkins.

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”

I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.elusennauiechydhyweldda.org.uk