“ADENNILL EIN HENWAU CYMRAEG GWREIDDIOL YW ADENNILL EIN TREFTADAETH” – HELEDD FYCHAN AS

Plaid Cymru’n cymeradwyo “cam positif wrth normaleiddio’r defnydd o’r Gymraeg” yn cyhoeddiad Parc Cenedlaethol Bannau Brycheiniog

Wrth ymateb i benderfyniad Parc Cenedlaethol Bannau Brycheiniog i ddefnyddio ei enw Cymraeg yn unig – gan ollwng ‘Brecon Beacons National Park‘ – dywedodd llefarydd Plaid Cymru dros y Gymraeg, Heledd Fychan AS:

“O’r Garn Goch a Charreg Cennen yn y gorllewin, i gopaon Pen y Fan, Cribyn a Chorn Du – mae’r Gymraeg eisoes yn rhan allweddol o’r Bannau Brycheiniog.

“Mae Plaid Cymru wedi galw’n gyson ar y llywodraeth i warchod enwau lleoedd Cymraeg yn y gyfraith, ac mae’r penderfyniad hwn gan y Parc Cenedlaethol yn gam cadarnhaol o ran normaleiddio defnydd o’r Gymraeg. Wrth adennill ein henwau Cymraeg gwreiddiol, gallwn adennill ein treftadaeth, sy’n hanfodol os ydym am i’n iaith barhau i chwarae rhan yn nyfodol Cymru.”