Ymgyrch Anfonwch Anrheg yn rhoi Nadolig hudolus i blant sy’n derbyn gofal y GIG

Nod ymgyrch newydd yw cyflwyno eiliadau Nadolig hudolus i blant a phobl ifanc ledled gorllewin Cymru sy’n derbyn gofal y GIG.

Bydd Anfonwch Anrheg yn rhoi’r cyfle i roi rhoddion i gleifion a gefnogir gan y Gronfa Ddymuniadau, ymgyrch sy’n creu profiadau cofiadwy i blant a phobl ifanc â chyflyrau sy’n cyfyngu ar fywyd ac sy’n bygwth bywyd. Bydd anrhegion hefyd yn cael eu rhoi i gleifion ifanc eraill sydd yn yr ysbyty y Nadolig hwn neu’n derbyn gofal parhaus.

Mae yna nifer o ffyrdd i gefnogi’r ymgyrch. Gall cefnogwyr:

• Prynu anrheg i blentyn neu berson ifanc oddi ar ein rhestr ddymuniadau Amazon

• Cymerwch dag anrheg Cronfa Ddymuniadau o goeden Nadolig Dunelm Caerfyrddin a phrynu yr anrheg a ddisgrifir ar y tag

• Cymeryd rhan yn Niwrnod Siwmper Nadolig ddydd Iau 12 Rhagfyr a rhoi £3 trwy decstio WISH FUND 3 i 70085 neu drwy fynd i’r dudalen cystadleuaeth Siwmper Nadolig

• Cyfrannu yn uniongyrchol i’r Gronfa Ddymuniadau.

Mae’r Gronfa Ddymuniadau yn cael ei darparu gan Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, a’i chefnogi gan Rygbi’r Scarlets.

Dywedodd Tara Nickerson, Rheolwr Codi Arian: “Rydym yn gofyn i’n cymunedau lleol ein helpu i wneud y Nadolig hwn mor hudolus â phosibl i’n cleifion ifanc.

“Mae Anfonwch Anrheg yn gyfle perffaith i brynu rhywbeth arbennig ar gyfer plentyn sy’n derbyn gofal a thriniaeth – a gwneud eu Nadolig!”