Water sampling programme scaled back | Cwtogi ar raglen samplu dŵr

Cwtogi ar raglen samplu dŵr

MAE Bwrdd Gweithredol Cyngor Sir Caerfyrddin wedi cytuno na fydd y dŵr ar Draeth y Dwyrain, Porth Tywyn yn cael ei samplu mwyach gan y Cyngor Sir.

Gwnaed y penderfyniad i gwtogi ar raglen monitro dŵr y Cyngor – sef swyddogaeth anstatudol – yn ei gyfarfod ar ddydd Llun (Hydref 23 2017).

Mewn adroddiad a roddwyd gerbron yr Aelodau gan Robin Staines, Pennaeth Tai, Diogelu’r Cyhoedd a Gwasanaethau Darparwyr, dywedwyd bod samplu ond yn rhoi cipolwg ar ansawdd y dŵr ar yr adeg benodol y cymerir y sampl.

Gan ei bod hi’n cymryd 48 awr, o leiaf, i gael canlyniadau i’r profion mewn labordy, mae’r canlyniadau ond yn berthnasol i sefyllfa’r dŵr rai dyddiau ynghynt. Yn achos Porth Tywyn, sef moryd lle mae ansawdd y dŵr yn newid yn gyflym gyda’r llanw, gall y canlyniadau fod yn gamarweiniol.
Cyn y penderfyniad, roedd dŵr yn cael ei samplu yn Nhraeth y Dwyrain, Porth Tywyn a Doc y Gogledd, Llanelli, sef dau draeth nad ydynt wedi’u dynodi’n ffurfiol ond sy’n hysbys fel mannau poblogaidd ar gyfer ymdrochi yn y dŵr.

Bydd Doc y Gogledd yn parhau i gael ei samplu am ei fod yn cael ei ddefnyddio’n rheolaidd ar gyfer chwaraeon a hamdden ac oherwydd nad effeithir arno gan lif y llanw.

Ni fydd y penderfyniad hwn yn effeithio ar y traethau a ddynodwyd ar gyfer ymdrochi yn Sir Gaerfyrddin – Pentywyn a Chefn Sidan, Pen-bre – oherwydd maen nhw’n cael eu monitro’n wythnosol gan Gyfoeth Naturiol Cymru rhwng mis Mai a mis Medi.

Nid yw’r traethau eraill nad ydynt wedi’u dynodi yn y sir yn cael eu samplu oherwydd ni ddylai nofwyr fynd ar eu cyfyl gan fod problemau hysbys ag ansawdd y dŵr, cerrynt cryf, banciau tywod a fflatiau llaid.

Cytunodd Aelodau’r Bwrdd Gweithredol y dylid adolygu’r arwyddion a geir ar draethau o amgylch y sir, gan gyfeirio nofwyr at draethau sydd wedi’u dynodi ar gyfer ymdrochi.

· I wylio’r ddadl lawn a chael golwg ar y dogfennau sydd ar agenda’r drafodaeth hon yn y Bwrdd Gweithredol, ewch i’r adran sy’n ymwneud â’r Cyngor a democratiaeth ar wefan y Cyngor – www.sirgar.llyw.cymru

Water sampling programme scaled back

WATER at Burry Port East beach will no longer be sampled by Carmarthenshire County Council, its executive board has agreed.

The decision to scale back the council’s water monitoring programme – a non-statutory function – was made at its meeting on Monday (October 23, 2017).

A report put to members by Robin Staines, head of housing, public protection and provider services, said that sampling only gives a snapshot of water quality at the particular time it is undertaken.
As laboratory testing takes a minimum of 48 hours, test results only relate to the water from days before. And, in the case of Burry Port – an estuary where water quality changes quickly with the tides – the results can often be misleading.

Previous to the decision, water was sampled at both Burry Port East Beach and North Dock in Llanelli, both non-designated beaches but which are known popular bathing spots.

North Dock will continue to be sampled due to its regular use for sport and leisure, and because it is not affected by tidal flows.

Carmarthenshire’s designated bathing beaches – Pendine and Pembrey – are unaffected by the decision as they are monitored weekly from May through September by Natural Resources Wales.

Other non-designated beaches around the county are not sampled as they are off-limits to swimmers due to known water quality issues, strong currents, sandbanks and mud flats.

Executive board members agreed that signage at beaches around the county should be reviewed with swimmers signposted to designated bathing beaches.

· To watch the full debate and access the agenda documents about this discussion at Executive Board, visit the council and democracy section of the council’s website – www.carmarthenshire.gov.wales