Changing the shape of local NHS care / Newid gofal y GIG yn lleol

Mae Bwrdd Iechyd Prifysgol Hywel Dda yn cychwyn ar ei gam nesaf o raglen i drawsnewid y ffordd y mae gofal wedi’i gynllunio, gofal brys ac argyfyngol a gofal cymunedol y GIG yn lleol yn cael eu darparu yn Sir Gaerfyrddin, Ceredigion a Sir Benfro.

Yn ystod yr haf, cynhaliwyd Sgwrs Fawr rhwng y BIP a’i staff, cleifion a defnyddwyr gwasanaeth, gofalwyr, partneriaid a’r cyhoedd, sef Cyfnod Darganfod (gwrando ac ymgysylltu) y rhaglen Trawsnewid Gwasanaethau Clinigol.

Wedi casglu’r data hwnnw, ei ddadansoddi’n annibynnol a’i gyflwyno’n ffurfiol i’r Bwrdd Iechyd ym mis Tachwedd, cytunodd y Bwrdd i symud ymlaen i gam dau, sef y Cyfnod Dylunio.

Bydd y cam hwn yn defnyddio adborth o’r Sgwrs Fawr i ddatblygu opsiynau posibl ar gyfer darparu gwasanaethau gofal iechyd yn y dyfodol. Caiff y rhain eu profi, eu herio a’u lleihau mewn nifer gan staff GIG lleol, rhanddeiliaid a chynrychiolwyr cyhoeddus drwy’r Cyngor Iechyd Cymuned yn ystod yr 11 wythnos nesaf.

Dywedodd y Cyfarwyddwr Trawsnewid Libby Ryan-Davies: “Rydyn ni mor ddiolchgar i bawb a gymerodd ran yn ein Sgwrs Fawr a roddodd o’u hamser, a rhannu eu harbenigedd a’u profiadau. Roedd pobl yn angerddol ac yn frwdfrydig ac rydym mor ffodus i allu manteisio ar hyn a defnyddio’r holl wybodaeth i baratoi a phrofi opsiynau wrth inni symud tuag at ymgynghoriad ffurfiol yn ddiweddarach yn y flwyddyn.

“Yn y cyfamser, rydym am ddal diddordeb pobl fel eu bod nhw’n dychwelyd yn y gwanwyn yn barod i herio ac adolygu ein dewisiadau. Dyma ein hamser ni yng Nghanolbarth a Gorllewin Cymru i gyd-lunio ein gwasanaethau GIG, a hynny er ein mwyn ni ein hunain, ein teuluoedd a chenedlaethau’r dyfodol.”

A wyddoch chi?
•       Llwyddodd bron i 400 o bobl lenwi holiadur yn ystod y Sgwrs Fawr, cynhaliwyd mwy nag 80 o ddigwyddiadau, a dewisodd 19 o bobl neu sefydliadau ysgrifennu atom yn annibynnol i rannu eu barn
•       Ystyriwyd ysbytai fel yr amgylchedd mwyaf diogel i rai cleifion, ond gwelwyd cefnogaeth eang i ofal iechyd yn y gymuned, yn enwedig canolfannau ar gyfer mynd i’r afael â nifer o anghenion iechyd o dan un to
•       Roedd ymatebwyr yn poeni nad oedd digon o adnoddau lleol, a bod yn rhaid i dimau weithio mewn modd mwy integredig a chydgysylltiedig
•       Cyfeiriodd llawer o bobl at yr angen am fynediad amserol ym mhob lleoliad, a lleihau amseroedd aros
•       Clywsom lawer hefyd am ymyrraeth ac atal cynnar
•       Roedd pobl yn poeni am allu ein seilwaith trafnidiaeth i sicrhau bod cleifion yn medru cael mynediad at ofal

Defnyddir yr holl adborth i ddatblygu opsiynau pendant i’w cyflwyno gerbron y cyhoedd mewn ymgynghoriad ffurfiol yn ystod y gwanwyn. Am ddiweddariadau yn y cyfamser, ewch i www.bihyweldda.wales.nhs.uk/tgc

_____________________________________________________

Hywel Dda University Health Board is embarking on its next stage of a programme to transform the way local NHS planned, urgent and emergency, and community care is delivered in Carmarthenshire, Ceredigion, and Pembrokeshire.

During the summer, the UHB held a Big Conversation with staff, patients and service users, carers, partners and the public, in the Discover Phase (listening and engagement) of the Transforming Clinical Services programme.

That data was collected, independently analysed and presented formally to the Health Board in November and the Board agreed to move to phase two, which is the Design Phase.

This phase will use feedback from the Big Conversation to develop potential options for the future delivery of health care services. These will be tested, challenged and narrowed down by local NHS staff, stakeholders and public representatives through the Community Health Council during the next 11 weeks.

Transformation Director Libby Ryan-Davies said: “We are so grateful to everyone who got involved in our Big Conversation and provided their time, expertise and experiences. People were passionate and enthused and we are so fortunate to be able to harness this and use all that information to prepare and test options as we head towards formal consultation later in the year.

“In the meantime we want to keep people informed and on board so they are ready to come back in the spring and challenge and review our options. This is our time in Mid and West Wales to really shape our NHS services together for ourselves, our families and future generations.”

Did you know?
•       Almost 400 people filled in a questionnaire during the Big Conversation, there were more than 80 events and 19 people or organisations chose to write to us independently to tell us their views
•       Hospitals were seen as the safest environment for some patients but there was widespread support for healthcare in community, particularly ‘hubs’ or ’one stop shops’  for addressing multiple health needs under one roof
•       Respondents worried there were insufficient local resources and that there must be more integrated, joined up working between teams
•       Lots of people referenced the need for timely access in all settings and reducing waiting times
•       Early intervention and prevention was also something we heard a lot
•       People were worried about the ability of our transport infrastructure to ensure patients could access care

All the feedback will be used to develop definitive options to be taken to the wider public in a formal consultation during the spring.

For updates in the meantime, visit the webpage at www.hywelddahb.wales.nhs.uk/tcs