Mae Oriel a Chanolfan Ymwelwyr Oriel y Parc yn gwahodd pobl o bob oed a gallu i ddathlu Dydd Gŵyl Dewi yn rhithiol eleni drwy ‘Dynnu Llun Draig’ a rhannu eu lluniau drwy’r cyfryngau cymdeithasol.
Mae Oriel y Parc yn gosod her ichi dynnu llun a chreu Draig Ddydd Gŵyl Dewi arbennig ar gyfer Parêd y Ddraig Ddigidol ar ddydd Llun 1 Mawrth, i ddathlu nawddsant y genedl ar y cyfryngau cymdeithasol mewn dathliad cadarnhaol o bopeth Cymreig.
Meddai Rheolwr Oriel y Parc, Claire Bates: “A hithau yn ninas Tyddewi yn Sir Benfro, byddai Oriel y Parc fel arfer yn dathlu’r diwrnod arbennig drwy drefnu Gorymdaith y Ddraig drwy’r ddinas. Mae plant ysgol lleol a grwpiau cymunedol fel arfer yn gorymdeithio drwy’r strydoedd gyda dreigiau wedi’u creu’n arbennig a band.
“Oherwydd cyfyngiadau Covid-19, nid yw hyn yn bosibl eleni, felly mae Oriel y Parc yn annog pobl i aros gartref, dylunio draig a dathlu Dydd Gŵyl Dewi yn ddigidol.”
Rhannwch eich creadigaethau ag Oriel y Parc ar y cyfryngau cymdeithasol ar 1 Mawrth gan ddefnyddio’r hashnod ‘Parêd y Ddraig’ drwy:
- Facebook: @OrielyParc (www.facebook.com/orielyparc)
- Instagram: @OrielyParc (www.instagram.com/orielyparc)
- Twitter: @OrielyParc (www.twitter.com/orielyparc)
Fel arall, anfonwch lun o’ch draig dros yr e-bost i: info@orielyparc.co.uk a bydd Oriel y Parc yn eu cyhoeddi ar y cyfryngau cymdeithasol.
I gael rhagor o wybodaeth am Oriel y Parc ewch i www.orielyparc.co.uk.
Help keep news FREE for our readers
Supporting your local community newspaper/online news outlet is crucial now more than ever. If you believe in independent journalism, then consider making a valuable contribution by making a one-time or monthly donation. We operate in rural areas where providing unbiased news can be challenging. Read More About Supporting The West Wales Chronicle
