Mae carreg filltir targed brechlyn yn dyst i “GIG rhyfeddol” – Plaid

Wrth ymateb i garreg filltir targed y brechlyn, dywedodd Llefarydd Iechyd Plaid Cymru, Rhun ap Iorwerth AS,

“Mae’r garreg filltir hon yn dyst i waith caled ein staff GIG gwych a’r fyddin o wirfoddolwyr sydd wedi mynd y tu hwnt i sicrhau bod Cymru’n gallu cyrraedd y targed hwn. Ni fyddai hyn wedi bod yn bosibl hebddyn nhw.

“Mae cyflwyno’r brechlyn yn rhoi gobaith a hyder inni ein bod yn symud i’r cyfeiriad cywir a rhaid iddo barhau ar gyflymder i sicrhau bod pobl Cymru’n cael eu brechu cyn gynted â phosibl. Mae angen i ni wybod beth mae’r garreg filltir hon bellach yn ei olygu i leddfu cyfyngiadau ymhellach. Rwy’n ddiolchgar i bobl Cymru am bopeth maen nhw wedi’i wneud i’n cyrraedd ni at y pwynt hwn.