Elusennau Iechyd Hywel Dda ar droli pili pala ar gyfer Bronglais

Diolch i grant cymunedol gan y Co-op, mae Elusennau Iechyd Hywel Dda wedi gallu darparu Troli Cof Glöyn Byw ar gyfer ward Enlli, y ward iechyd meddwl oedolion hŷn yn Ysbyty Bronglais.

Mae’r troli, sydd wedi’i stocio â gemau, posau ac eitemau tynnu sylw eraill, yn cael eu cludo o amgylch y ward, fel y gall cleifion ddewis yr hyn yr hoffent ei ddefnyddio.

Dywedodd Ann Elias, clerc ward Enlli: “Mae’r troli wedi cael derbyniad da gan gleifion, gyda llawer ohonynt yn gaeth i’r gwely. Maent wrth eu bodd yn cael gwahanol weithgareddau i’w gwneud.

“Defnyddir y troli gan nyrsys, therapyddion a gweithwyr cymorth gofal iechyd, i helpu i ymgysylltu â chleifion a darparu ysgogiad meddyliol trwy amrywiaeth o wahanol brofiadau synhwyraidd.

“Rydym yn ddiolchgar i’r Co-op am y grant cymunedol o £ 1,243.”

Yn y llun mae’r Nyrs Staff James Bunston gyda’r troli.

Mae pob ceiniog a roddir i’ch elusen GIG yn mynd yn uniongyrchol i helpu cleifion, defnyddwyr gwasanaeth a staff yn Sir Gaerfyrddin, Ceredigion a Sir Benfro. Os hoffech chi helpu, gallwch ddarganfod mwy yn www.hywelddahealthcharities.org.uk.