Elusennau Iechyd Hywel Dda ar fonitor cleifion newydd ar gyfer ward plant yn Ysbyty Bronglais

Diolch i roddion lleol, mae Elusennau Iechyd Hywel Dda wedi prynu monitor claf newydd ar gyfer ward plant yn Ysbyty Bronglais.

Mae’r monitor IntelliVue MX450 yn cael ei ddefnyddio yn barod, ac yn helpu i ofalu am bobl ifanc ar ward Angharad yn Aberystwyth.

Mae’r monitor yn ddull cyflym, di-boen ac anymwthiol o ddiagnosis, yn mesur cyfradd curiad y galon ac allbwn cardiaidd.

Dywedodd Uwch-brif nyrs Louise Hughes “Mae’r monitorau o fudd i’r plentyn gan eu bod yn ein galluogi i fonitro’n agosach.

“Drwy gael y monitorau, mae’n rhoi capasiti ychwanegol i ni ac rydym yn ddiolchgar iawn i’r teuluoedd sydd yn meddwl amdanom wrth godi arian. Mae’n gwneud gwahaniaeth aruthrol.”

Mae pob ceiniog sy’n cael ei roi i Elusennau Iechyd Hywel Dda yn mynd i helpu cleifion a staff yn Sir Gaerfyrddin, Ceredigion a Sir Benfro.

Os hoffech godi arian neu roi, mae rhagor o wybodaeth ar gael yma: www.justgiving.com/hywelddahealthcharities.