“Sobreiddiol, damniol, anfaddeuol” – Arweinydd Plaid Cymru, Adam Price, yn dweud bod adroddiad ymchwiliad Covid yn datgelu’r methiannau “wrth galon Llywodraeth San Steffan”

Dim ond 9 cyfeiriad at Gymru yn yr adroddiad 147 tudalen

Mae adroddiad gan ASau ar y modd yr ymdriniodd Llywodraeth y DU â phandemig Covid wedi datgelu’r methiannau sydd wrth wraidd San Steffan, meddai Arweinydd Plaid Cymru, Adam Price MS.

Mae adroddiad gan ASau yn dweud bod methiant y DU i wneud mwy i atal Covid rhag lledaenu’n gynnar yn y pandemig yn un o’r methiannau iechyd cyhoeddus gwaethaf erioed.

Galwodd Arweinydd Plaid Cymru, Adam Price, yr adroddiad yn “sobreiddiol, damniol, anfaddeuol”.

Dywedodd Mr Price hefyd fod yr adroddiad, sy’n archwilio ymateb cychwynnol y DU i’r pandemig covid, ond yn cynnwys 9 cyfeiriad am Gymru yn y ddogfen 147 tudalen,  ddangosodd ei bod yn bwysicach nag erioed ar gyfer “ymchwiliad cyhoeddus Cymru yn unig”.

Wrth ymateb i adroddiad Tŷ’r Cyffredin ar wersi a ddysgwyd hyd yma, dywedodd Arweinydd Plaid Cymru, Adam Price AS,

“Sobreiddiol, damniol, anfaddeuol. Mae’r adroddiad hwn yn datgelu’r anghyfrifoldeb sydd wrth wraidd Llywodraeth San Steffan a arweiniodd at ddegau o filoedd o fywydau coll yn un o’r methiannau iechyd cyhoeddus gwaethaf erioed a welwyd gan y DU.

 “Yn rhy araf i ymateb, yn rhy hwyr i gloi i lawr, ac yn rhy drahaus i ddysgu o wledydd sydd â mwy o arbenigedd, rhaid i’r adroddiad hwn roi diwedd ar y gred gan wleidyddion San Steffan eu bod rywsut yn unigryw yn y byd.

 “Yn y cyfamser, gyda dim ond 9 cyfeiriad at Gymru yn yr adroddiad 147 tudalen, mae Cymru wedi cael ein neilltuo i’r troednodiadau.

 “Mae’n bwysicach felly fwy nag erioed ein bod yn cael ymchwiliad cyhoeddus yng Nghymru yn unig i drin y pandemig. Ni allwn setlo am ddim ond pennod mewn ymchwiliad ledled y DU.

 “Rhaid i ni edrych ar yr hyn a ddigwyddodd yn fanwl, ac yn gyhoeddus, i ddysgu gwersi ar gyfer y dyfodol – ni ddylid osgoi craffu manwl.

 “Bydd pobl Cymru – a’r teuluoedd mewn profedigaeth – yn disgwyl ac yn haeddu dim llai.”