Only Boys Aloud yn ehangu i Orllewin Cymru!

Mae The Aloud Charity yn falch o gyhoeddi y bydd corau Only Boys Aloud newydd yn dechrau ymarfer yng Ngorllewin Cymru.

Diolch i gefnogaeth prosiect o bartneriaethau gyda’r Bluestone Foundation a Chyngor Celfyddydau Cymru, mae The Aloud Charity yn medru cynnig ymarferion côr wythnosol i fechgyn a dynion ifanc sy’n byw yn siroedd Gorllewin Cymru. Does dim clyweliad a dim ffi i ymuno, felly mae croeso i unrhyw fachgen oed uwchradd o bob cefndir a gallu, boed yn gantorion profiadol neu erioed wedi camu i’r byd corawl.

Sefydlwyd Only Boys Aloud yn 2010 gyda’r gobaith o allu creu gwahaniaeth i fywydau bechgyn ifanc yn eu harddegau ar draws Cymru; i fagu hyder a hunan-werth, a’u hysbrydoli i ehangu gorwelion a’u dyheadau. Bellach yn un ar ddeg mlwydd oed, gyda mwy na 200 o aelodau’n mynychu corau OBA ar draws De a Gogledd Cymru, bydd The Aloud Charity yn sefydlu corau newydd yn Sir Benfro a Cheredigion, yn ogystal â datblygu’r ddarpariaeth gyfredol yn Sir Gâr.

Meddai Elin Llwyd, Rheolwr Prosiect OBA Gorllewin Cymru: “Galla’i ddim aros i sefydlu’r corau newydd yma yng Ngorllewin Cymru. Mae’n brosiect cyffrous iawn ac yn gyfle gwych i ddynion ifanc Sir Benfro, Ceredigion a Sir Gâr. Bydden i’n annog unrhywun sydd â diddordeb i gofrestru nawr drwy e-bostio obagorllewin@thealoudcharity.com Bydd yr ymarferion yn dechrau yr wythnos gyntaf ar ôl Hanner Tymor (Tachwedd 1af) felly peidiwch oedi i gysylltu! Dwi ’di bod yn ddigon ffodus i fod yn dyst i’r effaith bositif gall bod yn aelod o gôr gael ar fywydau pobl ifanc. Ac ar amser pan fo lles ac iechyd meddwl yn flaenllaw iawn yn ein meddyliau, gall canu a cherddoriaeth chwarae rôl hanfodol
yn annog y datblygiad o unigolion mynegiannol, agored a chreadigol ymysg y genhedlaeth yma o ddynion ifanc.”

Dywedodd Pamela McNamara, Sylfaenydd y Bluestone Foundation: “The Bluestone Foundation was established to ‘help people to help themselves’ through environmental, economic, and social projects in Pembrokeshire; and we’re pleased to be supporting the Aloud Charity in its inspirational work in our local community bringing young boys together as a team to enjoy the health & wellbeing benefits of music through singing.