Comisiwn cyfansoddiadol annibynnol i ystyried dyfodol Cymru yn gyfle i ddadlau dros annibyniaeth – Plaid

Llefarydd Plaid dros y cyfansoddiad Rhys ab Owen AS yn croesawu cyd-gadeiryddion newydd Laura McAllister a Rowan Williams

Wrth ymateb i gyhoeddiad yr Athro Laura McAllister a Dr Rowan Williams fel cyd-gadeiryddion Comisiwn Cyfansoddiadol annibynnol i ystyried dyfodol Cymru, meddai Rhys ab Owen AS, llefarydd Plaid Cymru ar y Cyfansoddiad a Chyfiawnder: 

“Mae Comisiwn Cyfansoddiadol yn gyfle i gynnal y sgwrs genedlaethol fwyaf eang am ddyfodol Cymru yn hanes datganoli. 

“Rydym yn croesawu’r Athro Laura McAllister a Dr Rowan Williams i’w rolau ac yn dymuno’n dda iddynt yn fel Cyd-gadeiryddion. 

“Mae Plaid Cymru yn edrych ymlaen at ymgysylltu’n adeiladol gyda’r Comisiwn a’i waith, gan ddefnyddio pob cyfle y mae’n ei gyflwyno i ddadlau dros annibyniaeth ac y bydd buddiannau ein cenedl yn cael eu gwasanaethu orau pan fydd penderfyniadau dros ddyfodol Cymru yn cael eu rhoi yn nwylo Cymru.”