“Llais cryf ac effeithiol ar ran y mudiad annibyniaeth ehangach”: Adam Price yn talu teyrnged i Leanne Wood wrth iddi dderbyn enwebiad i gomisiwn cyfansoddiadol annibynnol

Wrth ymateb i benodiad Leanne Wood i’r Comisiwn Cyfansoddiadol annibynnol i ystyried dyfodol Cymru, dywedodd Arweinydd Plaid Cymru, Adam Price AS,

“Hoffwn estyn fy niolch i Leanne Wood am dderbyn ei henwebiad i’r Comisiwn Cyfansoddiadol annibynnol ar ddyfodol Cymru’.

“Nid oes gennyf unrhyw amheuaeth y bydd yn llais cryf ac effeithiol ar ran y mudiad annibyniaeth ehangach. Bydd ei phŵer i ymgysylltu â phobl ledled Cymru ac ar draws cenedlaethau yn gaffaeliad enfawr i‘r Comisiwn wrth iddo geisio cael y sgwrs genedlaethol ehangaf bosibl ar ddyfodol cyfansoddiadol Cymru.

Ar ei phenodiad, meddai Leanne Wood,

“Gyda’r Alban yn debygol o bennu ei dyfodol ei hun yn ystod yr ychydig flynyddoedd nesaf, mae hwn yn gyfle i bobl yng Nghymru gael y sgwrs fwyaf am ein dyfodol fel cenedl a gawsom erioed.

“Rwy’n falch o fod yn chwarae rhan fach yn hyn ac edrychaf ymlaen at ymgysylltu’n adeiladol â phobl yng Nghymru – gan sicrhau bod dyfodol Cymru yn parhau’n gadarn yn nwylo Cymru’.