Wedi’i disgrifio fel ‘enghraifft berffaith o Swyddog Heddlu Dyfed-Powys rhagorol’, y Rhingyll Gemma Davies sy’n ennill y teitl Swyddog Heddlu’r Flwyddyn yng ngwobrau blynyddol yr heddlu.
Mae gwobrau blynyddol Heddlu Dyfed-Powys yn dathlu talent, ac yn rhoi’r cyfle i unigolion a thimoedd gael eu cydnabod am eu hymrwymiad, eu gwaith caled, eu cyflawniadau a’u llwyddiant.
Wedi’u cyflwyno mewn seremoni rithwir at 18 Tachwedd, mae’r gwobrau wedi arddangos peth o waith neilltuol yr heddlu, â ffocws ar y rhai sydd wedi gwneud cyfraniad neilltuol i flaenoriaethau’r heddlu.
Mae’r rhingyll Gemma Davies wedi gwasanaethu gyda Heddlu Dyfed-Powys ers 14 mlynedd, ac fe’i henwebwyd am y wobr gan ei rheolwr a’i haelodau tîm, ac mae 33 y mae’n eu goruchwylio ar hyn o bryd yn Nhîm Plismona Bro Sir Gaerfyrddin.
Dywedodd y Rhingyll Dros Dro Ian Roach, “Mae Gemma’n swyddog heddlu gwych. Mae’n dosturiol ac mae hi wir yn gwrando. Mae’n meddwl am y cymunedau mae’n eu gwasanaethu, a’i haelodau tîm hefyd.
“Mae ei safonau fel swyddog heb eu hail – hi yw’r Rhingyll gorau rwyf erioed wedi gweithio gydag ef. Mae’n gweithio ac yn ymdrechu’n ddygn i sicrhau bod cymunedau’n cael eu diogelu, a bod blaenoriaethau’n cael eu bodloni.
“Yr ydym yn cyflawni fel tîm o ganlyniad i frwdfrydedd ac egni Gemma. Mae hi mor drylwyr – mae’n troi pob carreg wrth geisio datrys problem.”
Mae’r wobr Swyddog Heddlu’r Flwyddyn yn cydnabod rhagoriaeth, ymrwymiad a menter o fewn y swydd.
Yn ogystal a ennill y wobr yma, fe wnaeth Rhingyll Gemma Davies hefyd gyrraedd y rownd derfynol o’r wobr Arweinyddiaeth Ysbrydoledig ac roedd wedi ei henwebu yn y categori Yma I Chi yn y gwobrau blynyddol eleni.
Dywedodd yr Arolygydd Dawn Fencott-Price, “Bydd Gemma’n ymgymryd ag unrhyw her â gwên ac agwedd gadarnhaol – sy’n heintus ac sydd yn ei dro’n cael ei ddychwelyd gan ei thîm a’i chydweithwyr o asiantaethau partner.
“Mae Gemma’n arloesol. Un enghraifft o hyn yw’r adeg y cyflwynodd gyfarfodydd rhithwir ar-lein ar gyfer unigolion allweddol yn y gymuned ar ddechrau’r pandemig coronafeirws, a brofodd yn amhrisiadwy o ran sicrhau bod ein cymunedau’n cael eu hysbysu, eu diweddaru a’u sicrhau ar adeg mor ansicr. Yn wir, roedd y cyfarfodydd hyn mor llwyddiannus, cawsant eu mabwysiadu a’u hailadrodd ledled yr ardal heddlu.
“Mae hi hefyd wedi annog sawl ymgyrch amlasiantaeth mewn ymateb i bryderon cymunedol er mwyn mynd i’r afael â chyflenwi cyffuriau yn Sir Gaerfyrddin. Gwelwyd un enghraifft nodedig o hyn yn ardal Bynea llynedd, a arweiniodd at atafaelu nifer fawr o blanhigion canabis a oedd werth mwy na £300,000 ar y stryd.
“Â hithau wedi’i chydnabod o’r blaen am adeiladu perthnasau a chasglu cudd-wybodaeth mewn amgylcheddau gelyniaethus gan y Tîm Uwch Reolwyr, mae’n angerddol ynghylch hyrwyddo a mabwysiadu ymagwedd datrys problemau er mwyn sicrhau eu bod nhw’n mynd at wraidd problemau. Yr wyf wedi gweld proffesiynoldeb Gemma drosof fy hun ac yn parhau i wneud hynny’n rheolaidd.
Meddai’r Rhingyll Dros Dro Ian Roach: “Mae Gemma’n wych – ni allech ofyn am Ringyll gwell. Mae pawb yn codi eu golygon ati. Mae’n seren ddisglair sy’n ysgogi pawb mae’n gweithio gyda nhw.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
