eola yn lansio opsiwn Cymraeg mewn pryd ar gyfer Dydd Gŵyl Dewi

Llundain 01/03/2022 – Mae eola, cwmni newydd o Lundain, wrth ei fodd i gyhoeddi lansiad ei nwyddau archebu ar gyfer cwsmeriaid, yn gyfan gwbl yn Gymraeg ar Ddydd Gŵyl Dewi. 

Mae eola yn cynnig system archebu a rheoli gyflawn ar gyfer darparwyr profiad ledled y DU a thramor. Yn ddiweddar, lansiodd y system, a oedd wedi’i chynnig yn Saesneg i ddechrau, gyfres newydd o offer archebu ar gyfer cwsmeriaid sydd â’r gallu i arddangos yn gyfan gwbl yn Gymraeg. 

Nod eola yw rhoi statws cyfartal i’r Gymraeg ar y llwyfan drwy ymgorffori mwy o alluoedd Cymraeg, yn unol â Deddfwriaeth Cymru, i’w gwneud yn haws i sefydliadau gydymffurfio â safonau iaith Gymraeg y Llywodraeth. 

Ychwanegwyd y nodwedd unigryw i sicrhau bod nifer o fusnesau partner eola yng Nghymru yn gallu darparu cyfathrebiadau cyfartal i gwsmeriaid tra’u bod nhw’n archebu profiadau arbennig. Wrth symud ymlaen, bydd eola yn parhau i ychwanegu mwy o ieithoedd yn y dyfodol fel y gall hyd yn oed mwy o bobl gymryd rhan yn y gweithgareddau a gynigir ar draws y byd.

Dywedodd Callum Hemsley, Prif Swyddog Gweithredol a Chyd-sylfaenydd eola, “Rydym wrth ein bodd yn gallu cynnig ein platfform yn Gymraeg i gwsmeriaid ei ddefnyddio. Rydym yn gweithio gyda llawer o fusnesau o Gymru ac rydyn ni bob amser wedi ein syfrdanu gan y cyfoeth o weithgareddau a phrofiadau anhygoel sydd gan Gymru i’w cynnig. Mae cael offer archebu yn iaith y genedl ei hun yn rhywbeth yr ydym yn hynod o falch ohono. Mae hwn yn gam hollbwysig i sicrhau bod cwsmeriaid ym mhobman yn gallu archebu heb wynebu rhwystrau iaith. Ac mae ei lansio ar Ddydd Gŵyl Dewi yn teimlo hyd yn oed yn fwy arbennig.”

—

Gwybodaeth am eola

Gwybodaeth am eola

Mae eola yn blatfform archebu a rheoli cyflawn ar gyfer darparwyr profiad. Rydym yn galluogi busnesau i awtomeiddio eu prosesau – o gymryd archebion i reoli adnoddau – gan gynyddu eu refeniw yn sylweddol. https://business.eola.co/