Byddwch yn grefftus y Pasg hwn drwy gofrestru ar gyfer Cystadleuaeth Boned Pasg Elusennau Iechyd Hywel Dda!

Os ydych chi’n teimlo’n arbennig o greadigol y Pasg hwn, mae gan Elusennau Iechyd Hywel Dda’r gweithgaredd i chi gyda Chystadleuaeth Boned Pasg 2022!

Mae Elusennau Iechyd Hywel Dda, elusen swyddogol y GIG ar gyfer Sir Gaerfyrddin, Sir Benfro a Cheredigion, yn cynnig gweithgaredd sy’n ystyriol o deuluoedd y gall pawb gymryd rhan ynddo. Ac yn anad dim, bydd cyfranogwyr hefyd yn helpu i wella profiad staff a chleifion ar draws y rhanbarth.

Mae’r gystadleuaeth yn cynnig gwobrau i wahanol grwpiau oedran ac nid oes unrhyw gyfyngiadau ar bwy all gymryd rhan. Nid oes neb yn rhy ifanc nac yn rhy hen i gymryd rhan, cael hwyl, a gwneud eu rhan dros eu helusen GIG leol!

Gall cyfranogwyr gystadlu am £2 yn unig a byddant yn addurno Boned Pasg neu het, neu gallant ddewis addurno un o dri thempled het.

Gellir gwneud taliadau trwy’r dudalen rhoi ar-lein bwrpasol:

https://hyweldda.enthuse.com/cf/hywel-dda-easter-bonnet, yna gofynnir i gyfranogwyr anfon llun o’u ceisiadau atom: fundraising.hyweldda@wales.nhs.uk.

Daw’r gystadleuaeth i ben ar 12 Ebrill 2022. Cyhoeddir yr enillwyr ar 13 Ebrill 2022 a bydd y cynigion yn cael eu harddangos ar dudalennau cyfryngau cymdeithasol yr elusen.

Dywedodd Katie Hancock, Swyddog Codi Arian Elusennau Iechyd Hywel Dda: “Byddem wrth ein bodd pe bai cymaint o bobl â phosibl yn cymryd rhan yn ein Cystadleuaeth Boned Pasg 2022. Nid oes cyfyngiad ar ba mor wyllt a gwallgof y gall y bonedau fod – gallwch ddefnyddio hetiau, capiau neu drilbies ar gyfer cynigion cwbl unigryw. Byddwn yn rhannu lluniau ar ein sianeli cyfryngau cymdeithasol, a gobeithiwn y bydd pawb sy’n cymryd rhan yn cael amser llawn hwyl!”

Mae manylion llawn ar gael yma https://hyweldda.enthuse.com/cf/hywel-dda-easter-bonnet, neu trwy e-bostio Katie.Hancock3@nhs.wales.uk neu ffonio 07816 080608.