Elusennau Iechyd Hywel Dda yn codi arian ar gyfer Bronglais Chemo Appeal

Mae’r cynorthwyydd dysgu Carys Jones wedi codi mwy na £9,000 ar gyfer #ApêlCemoBronglais gyda thaith gerdded 40 milltir a rhediad tractor.

Mae hi’n gobeithio cyrraedd £10,000 drwy gynnal noson bingo gyda raffl yng Nghlwb Rygbi #Tregaron ar 2 Mehefin am 7pm, ac mae croeso i bawb.

Cerddodd Carys a mwy nag 20 o deulu a ffrindiau – gan gynnwys ei brawd Aled Jones, ei chwaer Gwenan Hodgson a’i efaill Caryl Jones – 40 milltir mewn 24 awr o’r clwb rygbi i Ysbyty #Bronglais ac yn ôl.

“Mae ein mam, Glenys, yn cael cemotherapi ar hyn o bryd ac mae hi’n dweud bod y staff yn wych,” meddai Carys. “Rydym mor ffodus i gael yr uned yn agos atom a bydd cael uned newydd bwrpasol gyda mwy o breifatrwydd hyd yn oed yn well.

“Aeth y daith gerdded yn dda iawn. Cawsom gymaint o gefnogaeth ac rydym fel teulu yn ddiolchgar iawn amdano. Roedd mam wrth ei bodd.

“Hefyd fe drefnodd ein hewythr Rhydian Lloyd rediad tractor o’r clwb rygbi ar lwybr gwledig 14 milltir yn ôl i’r clwb i hybu’r codi arian, a ddenodd fwy na 30 o dractorau.”

Os hoffech chi gyfrannu at godwr arian Carys, ewch i https://hyweldda.enthuse.com/pf/carys-jones

Nod Apêl Cemo Bronglais yw codi’r £500,000 terfynol sydd ei angen ar gyfer y gwaith adeiladu i ddechrau ar uned ddydd cemotherapi bwrpasol newydd ar gyfer Ysbyty Bronglais, er mwyn gwella profiad y claf yn fawr.

I gael rhagor o wybodaeth am yr Apêl ewch i: www.elusennauiechydhyweldda.org.uk