Cwrs newydd yn darparu llwybr uniongyrchol i yrfa yn gofalu am gleifion llawfeddygol

Os ydych chi erioed wedi ystyried gweithio mewn theatr llawdriniaeth, wrth galon gofal iechyd ysbyty, gallai cwrs newydd eich rhoi ar y llwybr gyrfa perffaith.

Am y tro cyntaf mae Prifysgol Abertawe yn cynnig BSc (Anrh) mewn Ymarfer yr Adran Llawdriniaethau, ychwanegiad cyffrous at yr ystod o gyrsiau a gynigir yn y Gyfadran Meddygaeth, Iechyd a Gwyddor Bywyd.

Yn rôl gymharol newydd i ofal iechyd y DU a Chymru, nid meddygon meddygol yw Ymarferwyr Adrannau Llawdriniaeth ond yn hytrach maent yn rhan o’r tîm clinigol perthynol sy’n gofalu am gleifion llawfeddygol.

Mae ODP yn bresennol ac yn ymwneud â phob cam gweithredu. Mae eu rôl yn hollbwysig i rediad esmwyth adran lawdriniaeth, gan gynnal diogelwch, cysur a hyder cleifion o ddechrau i ddiwedd y broses. Mae’n cynnig gyrfa werth chweil iawn i rywun sydd â diddordeb mewn gofal cleifion sy’n mwynhau gweithio fel rhan o dîm.

Addysgir myfyrwyr gan ODPs cymwys, nyrsys, meddygon, a gweithwyr proffesiynol perthynol i iechyd sy’n darparu cyfuniad o drylwyredd damcaniaethol a mewnwelediad proffesiynol ochr yn ochr â phrofiad ymarferol.

Yn ogystal, mae cwrs Abertawe newydd gael ei gymeradwyo gan y Cyngor Proffesiynau Iechyd a Gofal (HCPC), y corff sy’n goruchwylio ac yn gosod y safonau ar gyfer addysg a hyfforddiant gofal iechyd.

Dywedodd Arweinydd y Cwrs, yr Athro Cyswllt Pete Brown: “Rwyf wrth fy modd bod y rhaglen BSc (Anrh) Ymarfer Adran Llawdriniaeth (ODP) wedi derbyn cymeradwyaeth yr HCPC a bydd yn ymuno â’r ystod o raglenni gofal iechyd a gynigir eisoes gan Brifysgol Abertawe.

“Ar hyn o bryd rydym yn gwahodd myfyrwyr i ymuno â’r rhaglen fesul clirio i ddechrau eu taith ar y llwybr gyrfa anhygoel hwn. Mae ODPs yn gweithio mewn theatrau llawdriniaethau yn y GIG a’r sectorau preifat, yn darparu gofal arbenigol i gleifion sy’n cael llawdriniaeth ac yn gweithio ochr yn ochr ag anesthetyddion, llawfeddygon, nyrsys, cynorthwywyr gofal iechyd ac ystod o staff clinigol aml-sgil. Mae hwn yn llwybr gyrfa cyffrous a gwerth chweil sy’n cynnig rhagolygon gyrfa rhagorol.”

Mae Ysgol Iechyd a Gofal Cymdeithasol yn cynnig ystafelloedd clinigol realistig – gan gynnwys theatr llawdriniaethau efelychiadol – sy’n galluogi myfyrwyr i ddysgu sgiliau ymarferol mewn amgylchedd diogel dan oruchwyliaeth. Maen nhw hefyd yn cael profiad yn y gweithle ar

draws byrddau iechyd Prifysgol Hywel Dda a Bae Abertawe.

Hefyd, os gallwch ymrwymo i weithio yng Nghymru am ddwy flynedd wedi i chi raddio, gallech gael eich ffioedd dysgu wedi’u talu’n llawn fesul Cynllun Bwrsariaeth GIG Cymru, yn ogystal â chyllid cynhaliaeth a benthyciad cyfradd is gan Gyllid Myfyrwyr.

Dewch i ddarganfod mwy am y cwrs a chofiwch, mae ar gael trwy glirio felly gallwch ffonio 0808 175 3071 am arweiniad uniongyrchol.