Bydd Cyd-Ganu Nadolig yn codi arian at Apêl Cemo Bronglais

Gwisgwch siwmperi Nadoligaidd! Mae yna gyd-ganu Nadolig elusennol gyda’ch holl hoff ganeuon yn Neuadd Fawr Canolfan y Celfyddydau Aberystwyth ddydd Iau, 22 Rhagfyr.

Dyma’r drydedd cyd-ganu Nadolig gan gantorion Sgarmes Elinor Powell a bydd yn codi arian at Apêl Cemo Bronglais a Chynghrair Cyfeillion Ysbyty Bronglais.

Mae’r tocynnau’n costio £10 i oedolion a £5 i blant dan 16, a bydd gwesteion arbennig Meibion y Mynydd a chôr plant newydd Elinor Sgarmangels yn ymuno â Sgarmes ar y llwyfan ar gyfer y digwyddiad elusennol hynod boblogaidd, sy’n cychwyn am 8pm.

Bydd raffl wych eto eleni hefyd ac mae gwobrau’n cynnwys hamper Nadolig M&S gwerth £250, noson yng Ngwesty a Sba’r Cliff yn Aberteifi, a phedwar tocyn i noson olaf pantomeim The Wardens, Mother Goose, ym mis Ionawr.

Dywedodd Cyfarwyddwr Cerdd Sgarmes a’r Creawdwr Elinor: “Rydym yn gyffrous i fod yn ôl yn canu ar ôl tair blynedd. Mae’n mynd i fod yn noson hyfryd, Nadoligaidd. “Rydym yn codi cymaint o arian ag y gallwn i elusen a bob amser yn ei roi i Gynghrair Cyfeillion Ysbyty Bronglais. Y tro hwn rydym wedi gofyn i’r elw fynd at Apêl Cemo Bronglais.

“Rydyn ni’n teimlo bod yr uned ddydd cemotherapi yn un o’r unedau sydd ei angen fwyaf yn Ysbyty Bronglais. Rydyn ni i gyd wedi cael ein cyffwrdd gan ganser mewn rhyw ffordd ac roedden ni eisiau helpu’r Apêl er mwyn i’r ysbyty allu cael yr uned ddydd newydd cyn gynted â phosib.” Mae tocynnau ar gyfer y cyd-ganu dal ar gael o Ganolfan y Celfyddydau Aberystwyth a gellir prynu tocynnau raffl ar y noson.

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Rydym yn ddiolchgar i Elinor Powell a Sgarmes am eu cefnogaeth ac i bawb arall sydd wedi cyfrannu at yr Apêl.

“Rydym yn falch iawn o adrodd bod yr Apêl bellach wedi pasio ei tharged. Fodd bynnag, o ystyried yr hinsawdd economaidd bresennol, rydym yn rhagweld y bydd costau adeiladu yn cynyddu. Bydd pob ceiniog a godir, gan gynnwys rhoddion yn y dyfodol, felly yn mynd yn uniongyrchol i gronfa’r Apêl, gydag unrhyw arian dros ben yn cael ei ddefnyddio i gefnogi’r rhai yr effeithir arnynt gan ganser ar draws Ceredigion a chanolbarth Cymru.”

I gael rhagor o wybodaeth am yr Apêl ewch i: www.elusennauiechydhyweldda.org.uk