Grŵp beiciau modur yn apelio am wyau Pasg a rhoddion ar gyfer taith wyau Pasg elusennol

Mae Grŵp Beiciau Modur 3 Amigos a Dollies yn apelio am wyau Pasg a rhoddion ar gyfer eu taith wyau Pasg fis Ebrill eleni.

Cynhelir y daith wyau Pasg ar ddydd Sul 2 Ebrill.

Mae’r daith yn cefnogi gwasanaethau plant ar draws Bwrdd Iechyd Prifysgol Hywel Dda a Gweithredu dros Blant.

Mae’r daith yn ddigwyddiad poblogaidd sy’n gweld cannoedd o feicwyr modur yn casglu ac yn dosbarthu wyau Pasg.

Bydd y ras yn cychwyn am 1:00pm ar 2 Ebrill ym maes parcio The Commons ym Mhenfro. Bydd y grŵp yn teithio trwy lawer o drefi de Sir Benfro ac yn gorffen y daith yn y ganolfan gynadledda ger Ysbyty Llwynhelyg lle byddan nhw’n dosbarthu’r teganau a’r rhoddion i staff.

Dywedodd Mark James, aelod o Grŵp Beiciau Modur 3 Amigos: “Dyma’r 18fed flwyddyn i’r 3 Amigos a’r Dollies fod yn cynnal y daith wyau Pasg.

“Rydym yn falch o allu helpu’r GIG a Gweithredu dros Blant. Nid yw dod â gwênn i blant Sir Benfro yn dod i ben adeg y Nadolig.”

Dywedodd Katie Hancock, Swyddog Codi Arian: “Unwaith eto mae Grŵp Beiciau Modur 3 Amigos a Dollies yn mynd gam ymhellach a thu hwnt i gefnogi gwasanaethau plant ym Mwrdd Iechyd Prifysgol Hywel Dda.

“Roedd eu taith teganau enwog yn llwyddiant ysgubol adeg y Nadolig, daeth â hwyl i lawer o blant a gefnogir ar draws rhanbarth Hywel Dda. Ni allwn ddiolch digon iddynt am eu hamser, eu hymdrech a’u hymroddiad i godi arian. Os gallwch chi, cefnogwch y 3 Amigos y Pasg hwn!”

I gael rhagor o wybodaeth am ddyddiadau a lleoliadau casglu, cysylltwch â Ness ar 07971 774893 neu Mark ar 07585 040206.