Elusen Gymreig sy’n cynnig lleoedd am ddim i redeg Hanner Marathon

Mae St John Ambulance Cymru yn cynnig lleoedd rhedeg elusennol am ddim i unigolion ar gyfer Hanner Marathons Abertawe, Caerdydd a Llanelli.

Os ydych yn ffanatig o redeg, neu wrth eich bodd â her, gallwch gymryd rhan yn yr hanner marathonau am ddim gydag St John Ambulance Cymru, cyn belled â’ch bod yn addo codi isafswm o £220 i’w cefnogi gyda gwaith elusennol mewn cymunedau ar draws Cymru. Pan fyddwch yn cofrestru, gall y sefydliad roi popeth y gallai fod ei angen arnoch i’ch helpu i godi arian.

Bydd yr arian a godwch yn mynd tuag at hyfforddiant cymorth cyntaf achub bywyd mewn ysgolion a grwpiau cymunedol, rhaglenni ieuenctid hwyliog ac addysgol i blant 5+ oed a chymorth cyntaf gwirfoddolwyr hanfodol mewn digwyddiadau allweddol ledled y wlad. Mae codi arian i St John Ambulance Cymru yn golygu helpu i wneud Cymru yn lle mwy diogel i bawb.

Rhedodd Dave Newington, 31, Hanner Marathon Caerdydd ar gyfer yr elusen y llynedd. “Roedd fy ffrindiau Warren, Lewis a minnau yn rhedeg ar gyfer St John Ambulance Cymru oherwydd roedden ni’n gallu gweld y gwaith gwych mae’r elusen yn ei wneud yng nghalon cymunedau Cymreig. Roedd y tri ohonom ni’n hyfforddi ar gyfer y ras gyda’n gilydd ac roedd yn ffordd wych o ysgogi ein gilydd Os oes gennych chi ffrindiau sydd hefyd yn mwynhau rhedeg, byddwn yn bendant yn argymell ymuno.”

 “Ar ôl i ni gofrestru, cawsom arweiniad codi arian gwych gan y tîm codi arian, a helpodd ni i sefydlu ein tudalen JustGiving. Yn y diwedd fe wnaethom godi £1100, £300 yn fwy na’r disgwyl!”

“Roedd yr holl waith caled yn werth chweil i wybod bod yr arian yn mynd at achos mor wych”

   Bydd gwirfoddolwyr St John Ambulance Cymru ym mhob un o’r tri hanner marathon yn rhoi cymorth cyntaf i redwyr a gwylwyr. Atgof gwych o pam mae gwaith yr elusen mor bwysig i gymunedau yng Nghymru.

Cynhelir yr hanner marathonau yn Abertawe ar 11 Mehefin, Llanelli ar 24 Medi a Chaerdydd ar 1 Hydref.

“Mae digon o amser o hyd i gofrestru a dechrau eich hyfforddiant” meddai Alan Drury, Rheolwr Cymunedol a Digwyddiadau yn St John Ambulance Cymru, “Nid yn unig y bydd mynd i mewn i’r hanner marathon yn eich helpu i gyflawni nod personol a herio’ch hun, ond hefyd i godi arian ar gyfer achos gwych. Gallai eich cefnogaeth olygu’r gwahaniaeth rhwng bywyd a gollwyd a bywyd a achubwyd”.

Os oes gennych ddiddordeb mewn cofrestru ar gyfer Hanner Marathons Abertawe, Caerdydd neu Lanelli, yna cysylltwch â’n tîm codi arian yn fundraising@sjacymru.org.uk neu ffoniwch ni ar 02920 449626.