Mae Aduniad Hanner Canmlwyddiant Ysgol Uwchradd Dinas wedi codi £900 ar gyfer yr Uned Ddydd Cemotherapi yn Ysbyty Bronglais.
Trefnodd hen ffrindiau ysgol oedd yn ddisgyblion yn Ysgol Uwchradd Fodern Dinas yr aduniad a gynhaliwyd yng Nghlwb Pêl-droed Aberystwyth ar Ddydd Sadwrn Hydref 21ain.
Fe wnaethon nhw godi arian i’r uned gan fod nifer o gyn-ddisgyblion wedi cael triniaeth am ganser.
Dywedodd Dewi Alun Jones, cyn-ddisgybl Ysgol Uwchradd Fodern Dinas: “Roedd yna gerddoriaeth fyw, disgo a raffl. Roedd yn braf siarad â hen ffrindiau wrth werthu’r tocynnau raffl.
“Diolch i bawb a ddaeth i’r parti a’r rhai a roddodd o’u hamser i’w drefnu.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
Help keep news FREE for our readers
Supporting your local community newspaper/online news outlet is crucial now more than ever. If you believe in independent journalism, then consider making a valuable contribution by making a one-time or monthly donation. We operate in rural areas where providing unbiased news can be challenging. Read More About Supporting The West Wales Chronicle
