Mae Clwb Ffermwyr Ifanc Llanfynydd wedi codi £1,000 ar gyfer yr Uned Ddydd Cemotherapi a £1,000 ar gyfer yr Uned Gofal Arbennig Babanod (SCBU) yn Ysbyty Glangwili.
Mae gan CFfI Llanfynydd tua 40 o aelodau yn amrywio o 10 i 28 oed.
Dywedodd Carys Morgan, aelod o’r CFfI: “Fe wnaethon ni godi’r arian drwy ganu carolau dros gyfnod yr ŵyl yn 2022 a 2023. Rydyn ni’n mynd bob blwyddyn i godi arian ac rydyn ni’n mwynhau pob eiliad ohono.
“Roedd gennym ni gyn-aelod oedd wedi elwa o’r Uned Gofal Arbennig i Fabanod ac roedd mam i un o’n haelodau wedi elwa o’r Uned Cemotherapi yng Nglangwili.
“Hoffem ddiolch i’r gymuned am eu haelioni.”
Dywedodd Nicola Llewellyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Hoffem ddweud diolch yn fawr i CFfI Llanfynydd am eu cefnogaeth a chodi arian gwych i Ysbyty Glangwili.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
Help keep news FREE for our readers
Supporting your local community newspaper/online news outlet is crucial now more than ever. If you believe in independent journalism, then consider making a valuable contribution by making a one-time or monthly donation. We operate in rural areas where providing unbiased news can be challenging. Read More About Supporting The West Wales Chronicle
