Elusen yn ariannu manicin hyfforddi ar gyfer gwasanaeth canse

Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu manicn hyfforddi ar gyfer Gwasanaeth Canser y Pen a’r Gwddf.

Bydd y manikin yn helpu i ddarparu gwybodaeth ac addysg cyn ac ar ôl llawdriniaeth i gleifion laryngectomi canser y pen a’r gwddf. 

Gellir perfformio llawdriniaeth laryngectomi i drin canser y laryngeal. Mae’n llawdriniaeth i dynnu’r blwch llais yn gyfan gwbl neu’n rhannol sy’n effeithio ar brosesau hanfodol fel anadlu, llyncu a siarad.

Dywedodd Hayley Owen, Cynorthwyydd Cymorth Canser y Gwddf a Phennaeth Macmillan: “Rydym mor ddiolchgar bod cronfeydd elusennol wedi caniatáu i ni brynu’r manicn hyfforddi.

“Mae laryngectomi yn achosi newidiadau ffisiolegol ac yn effeithio ar swyddogaethau fel resbiradaeth, bwyta, yfed a chyfathrebu sy’n newidiadau enfawr, sylfaenol i ffordd o fyw person.

“Bydd y darn hwn o offer yn galluogi cleifion i gael gwell dealltwriaeth o’r newidiadau mewn anatomeg a ffisioleg. Byddai hefyd yn galluogi’r Therapyddion Iaith a Lleferydd i ddarparu hyfforddiant i aelodau’r teulu, therapyddion eraill a’r tîm amlddisgyblaethol ehangach mewn rheoli cleifion canser y pen a’r gwddf sydd wedi cael laryngectomi i wella gofal cleifion. 

“Bydd yr offer hwn yn rhoi profiad ymarferol i’r claf a’i deulu gydag adborth cyffyrddol a gweledol i gynyddu hyder wrth reoli eu llwybr anadlu newydd. Yn y pen draw, nod yr elfen ychwanegol hon o hyfforddiant a gwybodaeth yw cefnogi penderfyniadau triniaeth canser, rhyddhau mwy amserol o’r ysbyty a llai o angen am ofal brys ar ôl rhyddhau.” 

Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda a rydym yn hynod ddiolchgar am bob rhodd a dderbyniwn.”

I gael rhagor o fanylion am yr elusen a sut y gallwch chi helpu i gefnogi cleifion a staff lleol y GIG, ewch i

 www.hywelddahealthcharities.org.uk