Cymru v Lloegr: Great Western Railway yn rhedeg trenau ychwanegol ddydd Sadwrn ar gyfer gêm Bencampwriaeth y Chwe Gwlad

Mae disgwyl i’r trenau fod yn brysur iawn yn syth ar ôl y gêm yn Stadiwm y Principality a bydd system giwio ar waith tu allan i orsaf Caerdydd Canolog. Rydym yn atgoffa cefnogwyr i ganiatáu digon o amser i giwio er mwyn mynd ar y trenau’n ddiogel.

Bydd GWR yn rhedeg chwe gwasanaeth ychwanegol yn ogystal â’r amserlen arferol i Gaerdydd cyn dechrau’r gêm am 1645, a phum trên ychwanegol i gludo cefnogwyr rygbi adref ar ôl y gêm. Yn ogystal â’r trenau ychwanegol, bydd GWR yn rhoi cerbydau ychwanegol ar waith.

Gan ailddefnyddio’r system arferol sydd ar waith ar gyfer gemau’r Chwe Gwlad, gofynnir i’r cefnogwyr sy’n teithio i’r dwyrain at Gasnewydd giwio ar y sgwâr o flaen gorsaf Caerdydd Canolog, yn hytrach nag ym Maes Parcio Glan yr afon.

Dywedodd Rachel Geliamassi, Cyfarwyddwr Gwasanaethau i Gwsmeriaid GWR:

“Rydym yn falch i gefnogi’r cefnogwyr sy’n teithio i ac o Stadiwm y Principality unwaith eto. Fodd bynnag, hoffem atgoffa ein cwsmeriaid y bydd y trenau’n brysur iawn yn y cyfnod cyn dechrau’r gêm a’r cyfnod syth wedyn, a bydd system giwio ar waith yn yr orsaf.

“Byddem yn annog cwsmeriaid i wirio eu hamserau teithio ac i ganiatáu digon o amser i fynd ar y trên yn ddiogel.”

Mae GWR yn rhedeg pum gwasanaeth ychwanegol cyn y gêm, gan ddarparu 2,600 o seddi ychwanegol, ac oddeutu 3,000 o seddi ychwanegol (ar bum trên ychwanegol) ar ôl y gêm. Mae’r trenau hyn ar ben yr amserlen arferol.

I gael mwy o wybodaeth, neu i wirio’ch taith, ewch i GWR.com.